song

పల్లవి: నవ తేనియ వీణియలో
           నవ రాగపు పల్లవిలో
           శయనించవె  ఓ రాధికా
            ఇదేలే మన వేదికా ......
చరణం: ఏల వచ్చెనే భామ
            నీ నడుమున నడిరాతిరి నఖరేఖ
            ఏల రాయనే భామ
            నీ అన్నుల మిన్నులకూ  అనుభాష                    // నవతేనియ //
చరణం: కోరి వచ్చితి నేను
            నీ అందము ఉపాసించ  హిమవేళ
            చోటు ఈయవే వనిత
            నీ ఓలము నివాళించ శుభవేళ                           // నవతేనియ //

song

పల్లవి: ఈ ప్రేమగీతాలు యువతకే పాఠాలు
          నా ప్రేమరాగాలు జగతికే వేదాలు
          చెలిమికి మార్గాలు బతుకున నాదాలు
          కనులకు శోధనలు   మదిలో పండుగలు
చరణం: ఈ పాటలోన వేల కోకిలలు
            నా పాటలోనే ఆడు చందములు

            ఈ పాటలోన కోటి  రాగములు
            నా పాటతోనే వెలుగు తారకలు                    // ఈ ప్రేమ గీతాలు //
చరణం: ఈ పాటలోన మువ్వ కదిలేను
            నా పాటలోనే వెన్న దొరికేను
            ఈ పాటలోన  కృష్ణు డాడెను
             నా పాటతోనే రాళ్ళు కరిగెను                      // ఈ ప్రేమ గీతాలు //

song

చరణం ;ప్రియుని లేఖ అందింది
            ప్రేమ గీతం పాడాను
           మనసు వేగం హెచ్చింది
           వయసు తలం వేసింది
చరణం ;అలసిన కనులకు మేలుకోలుపులా
           తహతహ పెదవులకు పలకరింపులా
          చెదిరిన కురులకు మల్లె పూవులా
          ఆడని నడుముకు మరు ఊయలలా                           //ప్రియుని //
చరణం ;గల గల గాజులు ఎదురు చూసేలా
            బిగిసిన రవికను శ్రుతి చేసేలా
            విడిచిన చీరకు సమయ మిచ్చేల
           విరిసిన బావము నింగి నంటేలా                              //ప్రియుని //

song

పల్లవి ;నీలాల నింగిన చిన్నది
           మబ్బు చాటున దాగున్నది
            మెరిసే పూవల్లె చిన్నది
           సిగ్గు పడుతూ వస్తున్నది
చరణం ;రగిలించిన రాగాలే
            కదిలించెను ఈనాడే
            మది చేరిన మోహాలే

            వినిపించెను గీతాలై                                     //నీలాల //
చరణం ;దరిచేరిన కలలన్ని
            నిజమాయెను ఈనాడే
            నినదించిన వగలన్నీ
            కనిపించెను రూపాలై                                 //నీలాల //

పల్లవి ;గోగు పూచే గువ్వా కూసే
          రేగుపండ్లు  నెల కురిసే
          కొలను లోకి చిలుక వచ్చే
         నీరు మారే పన్నీరాయే
చరణం ;చెట్టు పైని కోకిలలే పాటలూ పాడగా
            నీటిలోని తమరాలే సిగ్గుతో విరియంగా
           ఒద్దు మీద చీర తీస్తే చందురుడు నవ్వే లోన
           మేను తడిసే లోలోన వెన్నెలే ఎదపైన                            //గోగు పూచే //
చరణం ;స్నానమాయే చినదానికి చీరలే కరువాయెనే

            ఒడ్డుపైన నడకాయేనే వెన్నెలే చీరాయేనే
            వేడుకోవే నేలరాజునే ఏలుకొను ఈ రాతిరి
           చుట్టుకోవే రారాజుని చీరల్లె చినవాడిని                          //గోగు పూచే //

పల్లవి ;వయసు ముదిరితే ప్రేమ
          మనసు చెదిరితే ప్రేమ
          కనులు నవ్వితే ప్రేమ
          పెదవి కందితే ప్రేమ
చరణం ;నవ్వు లోనే మల్లె పుట్టే
            మల్లె కాడ తీగ పుట్టే
            తీగ పాకి మొగ్గ లేచే
            మొగ్గ విరిసి పూవు పూచే
            కొప్పులోన పూవు దాగే
            పువ్వు నవ్వి నన్ను కోరే                               //   వయసు //

చరణం ;ముద్దు నిచ్చి నీకు నేను
            ప్రేమ పంచి మేలు చేస్తే
            మనసు నలుపు తెలిసి నాకు
            మోస పోతి బ్రాంతి పోయే
             కళ్ళలోన కడలి  నిలిచే
            గుండె పగిలి లావా ఎగసే                              //వయసు //

పల్లవి ;కడలి పైన అలల రావే
           ఇసుక లోని గుర్తు లీవె
           మేను తడిపే ముద్దు నీవే
           మమత లోలికే గట్టు నేనే
చరణం ;కల కల రావలలు మురిసినవి
            జల జల ఝరులు పారినవి

           తల తల మెరుపులు ఎగసినవి
           గణ గణ మనసులు  మోగినవి                                    //  కడలి //
చరణం ;తొలకరి తలపులు కురిసినవి
            తరగల పరుగులు తాకినవి
            వరదల ప్రేమలు నిండినవి
            మార్పుల మరులు మొలచినవి                                //కడలి //
            

పల్లవి ;కొనలోన  దాగినావు
          కోన సీమ వెదకినాను
          కోరి వస్తి కోమలాంగి
          చేరి నిన్ను చేదుకొందు
చరణం ;నారికేళ పాకమల్లె
            తీయ నైన లేత చనులు
            ఎదురు చూస్తూ ఉన్నవేమో
           వాటికున్న అమృత దరులు                                    //కొనలోన //
చరణం ;నల్లనైన మేఘ మల్లె

            చల్లనైన నీదు కనులు
            తవ్వి చూస్తే తెలుసునేమో
            వాటిలోని వలపు గనులు                                     //కొనలోన //

శుభాకాంక్షలు
తెలుగు సాహితీ మిత్రులందరికి సంక్రాంతి శుభాకాంక్షలు

సమస్యల వలయం
సమస్యలు సమస్యలు
దేశమంతా సమస్యలు
యువరాజుకు పెళ్లి సమస్య
యువ నేతకు ఓదార్పు సమస్య
కెసిఆర్ కు తెలంగాణ సమస్య
కిరణ్ అన్నకు భాషా సమస్య
చిరుకు విలీనం సమస్య
బాబుకు అధికారం సమస్య
ప్రజలకు ఆకలి సమస్య
స మస్యలు సమస్యలు
దేశమంతా సమస్యలు